DELFINOTERAPIA, emaitza bikaineko terapia

Delfinoterapia Estatu Batuetan sortu zen 50ko hamarkadan. Gaur egun, Tenerifen aplikatzen da urritasun psikikoak dituzten umeekin. Animalia, psikologo eta entrenatzaile talde batek bost urte darama proiektu honetan lanean eta emaitzak ezinhobeak dira.

Esaten dutenaren arabera, izurdeak primeran konpontzen dira pertsonekin eta are gehiago aipaturiko arazoak dituzten umeekin. Terapia honen bidez, ume autisten eta beste urritasuin psikikoak dituzten umeen integrazio sozial eta laborala lortu nahi da. Delfinoterapiari buruz zerbait gehiago jankin nahi izanez gero, ondorengo web orria bisitatu, bertan metodologia eta bitartekariei buruzko azalpenak agertzen dira.
http://212.80.128.9/entorno/ent220799com.html

KASPAR, lagun robota

Kaspar (Kinesics and Synchronisation in Personal Assistant Robotics) robota ezagutu berri dugu. Haur autisten lagun izatera zuzendua dagoen robot bat da. Kaspar robotaren ezaugarrien artean, umearen mugimenduak monitorizatu eta imitatzeko aukera dago. Kaspar-en interakzio maila handia haur autisten komunikazio eta soziabilizazioa sustatzera bideraturik dago.

Hertforshire-ko unibertsitateak IROMEC proiektuaren barruan sortu duen robot honek haur autistak bizi duten errealitatera pixka bat hurbiltzeko helburuarekin sortu da. Hau guztia eta KASPAR robotaren funtzionamendua hobeto uler dezazuen, erakusketa bideoaren helbidea sakatu. http://search.bbc.co.uk/cgi-bin/search/results.pl?scope=all&tab=av&edition=d&q=robots+an+autism&x=8&y=7

Guztiak igerilekura!

Autismodun haur gehienek, muskulazio arazoak izaten dituzte, hau dela eta oso garrantzitsua da gimnasia ariketa bereziak egitea, muskulazioa sendotzeko. Normalean, fisioterapeutarengana joaten dira autistek eta bertan, behar dituzten ariketa zehatzak irakasten die profesionalak. Baina orain dela urte batzuk beste teknika bat aplikatzen hasi zen: igeriketa. Demostraturik dago igeriketa saioen ostean lortutako emaitzak oso positiboak direla. Zergatia oraindik oso argi ez badago ere, haurrek pila bat atsegin dute uretan egotea eta motibazio honek, ahalegin gehiago egitera eramaten die. Hau dela eta, emaitzak hobeagoak izaten dire eta haien muskulazio arazoak astiro-astiro murriztuz joaten dira.

Musikoterapia, haurrak erlaxatzeko tresna bikaina

Hainbat artikulu irakurri ondoren, musikoterapia zer den argiago geratu zait. Musikaren bidez, erlaxatu, sentimenduak espresatu edota zentzumenak lantzeko aukera ematen du.

Gure gaiarekin lotuz, musikoterapiaren erabilera autismoari lotuko dugu eta honek bikote paregabea osaten du. Haur autistek gainerako pertsonekin erlazionatzeko oztopo den harresi moduko bat dute. Musikoterapiaren bidez, harresi hau botatzen zailatzen da. Espresiobide ez ahozkoek ( kasu honetan melodiek ), erlazionatzeko beste era bat sustatzen dute; mugimenduen bidez eta ezer esan gabe asko adieraz daitekeela erakusten da. Eta argi dagoenez, espresatzeko "beste era" hau oinarri paregabea da haur autistek erlazionatzeko dituzten zailtazun horiek gainditzeko.